FAQs Archive - Page 3 of 3 - Syed Arshad Saeed Kazmi

Q: جامعہ اسلامیہ بہاولپور میں منصبِشیخ الحدیث

مختلف ومتعدد علوم وفنون میں دسترس کے ساتھ ساتھ آپ کوعلومِ قرآن وحدیث میں جویدطولیٰ حاصل تھا وہ اللہ تعالیٰ کاخاص احسان تھا جس کااندازہ اس بات سے ہوسکتاہے کہ محکمہ اوقاف نے جامعہ اسلامیہ بہاولپور میں علوم شرعیہ میں تخصص اورتحقیق کے لئے مختلف شعبوں کاآغاز کیاتوشعبہ حدیث میں بلندپایہ محقق اور نابغہ روزگار ماہرحدیث کی ضرورت تھی جوروایت ودرایت دونوں فنون پربیک وقت مہارت تامہ رکھتا ہو، تواس عظیم منصب کے لئے محکمہ اوقاف کی نظر انتخاب آپ پرپڑی۔ مسلک اہل سنت کی نمائندگی کی خاطر نواب آف کالاباغ گورنرپنجاب نواب امیرمحمدخان کے پرزوراصرارپرآپ نے اسے قبول فرمایا اور گیارہ سال تک اس منصب پرفائز رہے اس دوران سنی طلبہ کو بھی کئی سہولتیں میسرآئیں اورکئی اسامیوں پرسنی علماء کا تقرر بھی آپ کی خدمات کامرہون منت ہے ۔

Q: ملتان میں درس وتدریس کا آغاز

ملتان میں تشریف آوری کے بعد حضرت علیہ الرحمہ نے جب اپنے گھرسے درس وتدریس کا سلسلہ شروع کیا تو متلاشیان حق آپ کے چشمۂ فیض سے علمی پیاس بجھانے کے لئے دوردراز سے آناشروع ہوگئے ۔اس کے ساتھ ہی جامع مسجدفتح شیرخان (نزدگھنٹہ گھر)میںآپ نے نمازفجرکے بعد درسِ قرآن کاسلسلہ شروع کیا جواٹھارہ سال میں مکمل ہوا ۔مخالفین نے مختلف طریقوں سے اسے ناکام بنانے کی کوشش کی لیکن وہ خود ناکام رہے جبکہ آپ نے ثابت قدمی سے اپنامشن جاری رکھا ۔اسی طرح جامع مسجد حضرت چپ شاہ میں پہلے مشکوٰۃ شریف اور پھربخاری شریف کادرس مکمل فرمایا۔